Индонезиядағы су тасқыны мен көшкіндерде 41 адам қаза тапты

Индонезияның Батыс Суматра уәлаятында су тасқыны мен көшкін салдарынан қаза тапқандар саны 41-ге жетті.

Ұлттық табиғи апаттарды басқару агенттігінің баспасөз хатшысы Абдул Мухари су тасқынында 200-ге жуық үйдің су астында қалғанын және кейбір ғимараттарға қатты зақым келгенін мәлімдеді.

Батыс Суматра Апат салдарын азайту агенттігінің басшысы Ильхам Вахаб іздеу-құтқару қызметкерлерінің аймақта көптеген мәйіт тапқанын және қаза тапқандар санының 41-ге ұласқанын мәлімдеді.

Жоғалған 17 адамды іздеу-құтқару жұмыстарының жалғасып жатқанын мәлімдеген Вахаб қолайсыз ауа райының жұмысқа кедергі жасағанын білдірді.

Мерапи жанартауының атқылауы нәтижесінде жиналған жартастар, күл және топырақ үйіндісінің муссондық жаңбыр себепті ығысуы мен су тасқыны салдары адам өліміне әкелді.