Зеленскийге қастандық жоспары
Польшада бір кісі ұсталды.
Польшада Ресей барлау қызметінің Украина президенті Владимир Зеленскийді өлтіру жоспарына қолдау берді деген айыппен бір кісі қамауға алынды.
Поляк ұлттық прокуратурасы Павел К. есімді тұлғаның тұтқындалуына байланысты жазбаша мәлімдеме жасады.
Мәлімдемеде Польшаның Украина шекарасынан шамамен 90 шақырым жерде орналасқан Ржешов-Ясионка әуежайы туралы егжей-тегжейлі мәліметтерді жариялауға тырысқан Павел К-ның Ресей-Украина соғысына қатысқан ресейліктермен байланысуға тырысқаны атап көрсетілді.
Мәлімдемеде бұл ақпараттың Зеленскийге қастандық жасауда пайдаланылуы мүмкін екені және ұсталған Павел К. кінәсі дәлелденсе, 8 жылға дейін бас бостандығынан айырылуы мүмкін екені айтылған.
Америкалық әскерлердің бақылауындағы Ржешов-Ясионка әуежайы Украинаға жіберілетін гуманитарлық және әскери көмектің транзиттік пункті болып табылады.
