Апатта Бас штаб төрағасы қаза тапты
Апатта Бас штаб бастығы Оголла мен 10 әскери қызметкер қаза тауып, 2 сарбаз жараланды.
2129671
Кенияда тікұшақ апатында Бас штаб төрағасы Фрэнсис Оголла мен 10 әскери қызметкердің қаза тапқаны хабарланды.
Президенттік мәлімдемеге қарағанда, апатта Бас штаб бастығы Оголла мен 10 әскери қызметкер қаза тауып, 2 сарбаз жараланды.
Президент Уильям Руто баспасөз мәслихатында тікұшақтың әуеге көтерілгеннен кейін көп ұзамай апатқа ұшырағанын айтты.
Апаттың кеше жергілікті уақытпен сағат 14.20-да орын алғанын білдірген Руто әуе күштерінің апат себебін анықтау үшін оқиға орнына әуе тергеу тобын жібергенін атап көрсетті.
Президент Руто апатқа байланысты елде 3 күндік ұлттық аза тұту жарияланғанын хабарлады.
