Израиль армиясы Эмел ауруханасын бақылауға алды
Израиль күштері медицина қызметкерлері мен жаралыларды мекемеден кетуге мәжбүрледі.
Газа секторында Израиль күштері қоршап алып, қызметкерлерін кетуге мәжбүрлеген Эмел ауруханасының жабылғаны хабарланды.
Палестина Қызыл Жарты Ай қоғамы жасаған жазбаша мәлімдемеге қарағанда Хан Юнус қаласындағы Эмел ауруханасынан медицина қызметкерлеріне қоса, 6 науқас пен бір адам эвакуацияланды.
Израиль күштерінің Эмел ауруханасын қоршап алып, кіре беріс жолын топырақ үйіп жауып тастағаны, медицина қызметкерлері мен жараланған адамдарды мекемеден кетуге мәжбүрлегені атап көрсетілді.
Газа секторындағы аурухана мен денсаулық сақтау мекемелерін жиі нысанаға алған Израиль армиясы 24 наурыз күні Эмел ауруханасын қоршауға алды.
Израиль күштері ауруханаға шабуыл жасап, бірі ерікті денсаулық сақтау қызметкері және екіншісі қоныс аударған палестиналық барлығы екі адамды өлтірді.
Екінші жағынан Израиль армиясының Газа секторының оңтүстігіндегі Рефах қаласында бір үйге жасаған бомбалы шабуылында 15 палестиналықтың қаза тапқаны және ондаған адамның жараланғаны хабарланды.
