Газа секторында "атысты тоқтату" келіссөздері жалғасуда

Мысырда Газа секторындағы атысты тоқтату туралы келіссөздер ертең басталады.

Мысырдың «Al-Cairo» телеарнасына ақпарат берген бір жоғары лауазымды Газа секторында Израиль мен Палестина азаттық қозғалысы «Хамас» арасындағы атысты тоқтату келіссөздерінің ертең бас қала Каирде жалғасатынын мәлімдеді.

Аты аталмаған лауазымды Газа секторында Рамазан айына дейін (10 сәуір) атысты тоқтату туралы келіссөздерде «жаңалықтар» бар екеніне назар аударып, ертең басталатын келіссөздерге барлық тараптардың қатысатынын айтты.

Мысырдың Рамазан айы алдында атысты тоқтату келісіміне жету үшін қарқынды түрде талпынғанын білдірген лауазымды «Атыс тоқтату келіссөздерінде назарға аларлықтай жаңалықтар болды және біз әділ келісімге келуге тырысамыз» деді.

Израильдің 7 қазан күнінен бері Газа секторына жасаған шабуылдарында кемінде 13 мың 230 бала, 8 мың 860 әйел барлығы 30 мың 320 палестиналық қаза тауып, 71 мың 533 адам жарақат алды.

Үйінділер астында әлі мыңдаған мәйіт бар екені хабарланып, адамдар паналаған ауруханалар мен оқу орындарын нысанаға алып, азаматтық инфрақұрылым да жойылуда.

2023 жылы 24 қараша күні 4 күнге берілген, кейін тағы 3 күнге ұзартылған қақтығыстағы «атысты тоқтату» кезінде 81 израильдік және 240 палестиналық тұтқын өзара босатылды. Екінші жағынан Израиль мыңдаған палестиналықты тұтқындап, түрмеге жабуда.