Байден: "Газа секторында дүйсенбі күніне дейін атысты тоқтату мүмкін"

АҚШ Президенті Джо Байден бұрынғы мәлімдемесіне қарамастан Газа секторында дүйсенбі күніне дейін «атысты тоқтатуға» қол жеткізілмейтіні, алайда үмітін жоғалтпағанын мәлімдеді.

АҚШ президенті Байден Техасқа аттанар алдында Ақ Үйдің ауласында бір баспасөз қызметкері Газа секторы туралы сұрағына жауап қайтарды.

Байден өзінің сөзін еске салған журналистке «Осы дүйсенбі күніне дейін Газа секторында атысты тоқтатуға қол жеткізіледі деп үміттенемін» деп жауап қайтарып, «Үміт бітпейді. Аймақ басшыларымен телефон арқылы сөйлестім. Мүмкін (атысты тоқтату) бұл дүйсенбі емес шығар, бірақ мен әлі де үміттемін» деді.

Аптаның басында Нью-Йоркке жасаған сапары кезінде АҚШ президенті Байден Газа секторында атысты тоқтатуға қашан қол жеткізуге болатыны туралы баспасөздің сұрағына «Осы аптаның соңына дейін үміттенемін. Ұлттық қауіпсіздік кеңесшім өте жақын екенімізді айтты, бірақ әлі аяқтаған жоқпыз. Келесі дүйсенбі күніне дейін атысты тоқтату болады, деп үміттенемін» деп жауап қайтарды.