Ауғанстанда қар мен топырақ көшкінінде 27 адам қаза тапты

Ауғанстанның Нуристан және Панджшир уәлаяттарында жауған қалың қардың салдарынан болған топырақ және қар көшкіндері салдарынан алғашқы мәліметтер бойынша 27 адам қаза тапты.

Ауғанстанның уақытша үкіметінің табиғи апаттарға жауапты мемлекеттік министрлігінің баспасөз хатшысы Молла Жанан Саик түні бойы Нұристан уәлаятында жауған қалың қардың Нұрграм ауданындағы Тетрин алқабында топырақ пен қар көшкіні болғанын мәлімдеді.

Апат салдарынан көптеген үйдің қар мен топырақ астында қалғанын айтқан Саик іздеу-құтқару жұмыстарының жалғасып жатқанын, осы уақытқа дейін 25 адамның мәйітін тапқандарын, 8 адамның жараланғанын атап көрсетті.

Екінші жақтан Панджшир уәлаятында қар көшкіні салдарынан 2 шахта жұмысшысы қаза тауып, 1 жұмысшы жарақат алды.

Ауғанстанның орталық және солтүстік бөліктеріне жауған қар салдарынан көптеген елді-мекендерге жету мүмкін болмауда.

Өңірде топтардың автокөлік жолын ашу жұмыстары жалғасуда.