"Соғысқа дайын болу керек" деді
Карстен Брюер «соғысқа дайындалу» бір процесс екенін айтты.
Қорғаныс шығындарын айтарлықтай арттыруға шешім қабылдаған Германияда Бас штаб басшысы Карстен Брюер елдің 5-8 жыл ішінде «соғысқа дайын болуы» керектігін айтты.
«Welt am Sonntag» газетіне берген сұхбатында Карстен Брюер «соғысқа дайындалу» бір процесс екенін айтты.
"Бірақ бізде шексіз уақыт жоқ, өйткені қырғи-қабақ соғыс аяқталғаннан бері бірінші рет «мүмкін соғыс» бізге сырттан қауіп төндіріп отыр. Мен сарапшылардың пікірін оқып, Ресейден келетін әскери қауіп-қатердің әлеуетін көргенде, бұл үшін бізге 5-8 жыл дайындық керек екенін білемін» деді ол.
Бұл «сол күні соғыс болады» дегенді білдірмейтінін баса айтқан Брюер «Алайда бұл мүмкін және мен әскери адам болғандықтан 5 жыл ішінде соғысқа дайын болуымыз керек деп деп ойлаймын» деді.
2 жыл бұрын Ресей-Украина соғысы басталғаннан кейін Германия қорғаныс шығындарын айтарлықтай ұлғайту туралы шешім қабылдады және озық қару жүйелерін сатып алу, қарулы күштерін модернизациялау үшін 100 миллиард еуро көлемінде арнайы қор құрған еді.
