АҚШ Ирак пен Сирияға шабуылдады

Америка Құрама Штаттары (АҚШ) 28 қаңтар күні Сирия-Иордания шекарасындағы АҚШ әскери базасына жасалған шабуылға жауап ретінде аймақта алғаш рет шабуыл жасағанын жариялады.

АҚШ Орталық қолбасшылығынан (CENTCOM) жасалған жазбаша мәлімдемеде Сирия мен Ирактағы Иран төңкеріс сарбаздары армиясы «Құдс» күштері мен оған қарасты әскери топтарға тиесілі кемінде 85 нысананың әуеден жойылғаны хабарланды.

Шабуылдарға АҚШ-тан көтерілген алыс қашықтыққа ұшатын бомбалаушы ұшақтардың да қатысқаны атап көрсетілген мәлімдемеде нысанаға алынған аймақтарда 125-тен астам тұмсықты бомбаның қолданылғаны, нысанаға алынған жерде штаб пен бақылау орталықтары, зымыран және пилотсыз әуе көліктерінің атылғаны білдірілді.

АҚШ президенті Джо Байден шабуылмен байланысты жазбаша мәлімдемесінде бүгін Сирия мен Ирактағы Иран Төңкеріс сарбаздары армиясы мен оған қарасты жасақ топтарын нысанаға алу арқылы базалық шабуылға жауап қайтара бастағандарын және бұл жауаптың «өз таңдауы бойынша кез-келген жерде және уақытта жалғасатынын» мәлімдеді.

АҚШ-тың Таяу Шығыста әскери қақтығысты көздемейтінін атап өткен Байден американдық сарбаздарды нысанаға алғандарға жауап қайтаратындарын баса айтты.

АҚШ Қорғаныс министрі Ллойд Остин болса базаға жасалған шабуылға бүгін жауап қайтарыла бастағанын атап, «Бұл әлі қайтаратын жауабымыздың бастамасы ғана» деді.

Иракта Иран қолдаған шиіт қарулы күші Нуджеба қозғалысына қарасты «Telegram» аккаунтынан жарияланған хабарламада Анбар уәлаятына қарасты Аккашат аймағында «Хашди Шааби» қару қоймасының АҚШ шабуылына ұшырағаны атап көрсетілді. Шабуылда қаза тапқан немесе жаралы бар-жоғы әзірге белгісіз.

Бұл шабуылдың фотосуреттері әлеуметтік желіде бөлісілді.

АҚШ-қа тиесілі «Мұнара-22» деп аталатын базасына жасалған шабуылда 3 американдық сарбаз қаза тауып, 40-тан астам сарбаз жараланған болатын.