Хоуситтер британдық кемені нысанаға алды

Йемендегі Иран қолдау берген хоуситтер Қызылтеңізде «басқыншылық астындағы Палестина порттарына баратын» британдық коммерциялық кемені нысанаға алғанын хабарлады.

Хоуситтердің әскери мәлімдемешісі Яхья Сери өзінің «X» әлеуметтік желісіндегі аккаунтынан тақырыпқа қатысты мәлімдеме жасады.

Палестина халқымен ынтымақтастық хабарламасы жасаған Сери АҚШ пен Ұлыбританияның Йеменді нысанаға алуына жауап ретінде Қызылтеңіздегі ағылшын сауда кемесін «тиісті теңіз зымырандарымен» нысанаға алынғанын атап көрсетті.

Нысанаға алған кеменің «басқыншылық астындағы Палестина жеріне» (Израильді нұсқап) барғанын атап көрсеткен Сери Қызылтеңіз мен Оман теңізінде Газа секторындағы басқыншылық пен Израиль шабуылдары Израиль кемелері немесе Израильге баратын кемелерге жасалған шабуылдардың жалғасатынын мәлімдеді.

31 қазан күні хоуситтер Израильдің Газа секторындағы шабуылдарына наразылық ретінде Йемен жағалауында Израиль компанияларымен байланысы бар коммерциялық кемелерді кепілдікке алуға, кейбіріне пилотсыз әуе көліктері және зымыранмен шабуыл жасай бастады.

АҚШ күштері осы аралықта Йеменнен атылған зымырандар мен камикадзе пилотсыз әуе көліктерін бірнеше рет атып түсіргенін жариялаған еді.

Жаһандық сауда-саттықтың шамамен 12 пайызы Жерорта теңізін Қызыл теңізге жалғайтын және Еуропа мен Азия арасындағы ең қысқа бағытты ұсынатын Суэц каналы арқылы жүзеге асырылуда.