Алжир президенті Түркиямен қол қойылған келісімдерді бекітті
Алжирдің ресми газетінің соңғы санында Теббун бекіткен келісімдер жарық көрді.
Алжир президенті Абдүлмеджид Теббун Түркиямен әртүрлі саланы қамтитын 4 келісім мен өзара түсіністік туралы меморандумды бекітті.
Алжирдің ресми газетінің соңғы санында Теббун бекіткен келісімдер жарық көрді.
Теббун бекіткен және екі ел арасында қол қойылған келісімдер мен өзара түсіністік туралы меморандум әлеуметтік қызметтер, экология, тау-кен өнеркәсібі, трансұлттық ұйымдасқан қылмысқа қарсы ынтымақтастық, білім беру және оқыту, технология, балық және су өнімдері, қоғамдық жұмыстар, БАҚ және коммуникация салаларын қамтиды.
Теббун 2022 жылы Түркияға алғашқы ресми сапарын 15-17 мамыр күндері аралығында жасады. Осы сапар барысында екі ел арасындағы Бірлескен ынтымақтастық кеңесінің бірінші отырысы өткізілді, көптеген салаларды қамтитын келісімдер мен өзара түсіністік туралы меморандумдарға қол қойылған болатын.
