Израильдің "геноцид" ісі Гаагада басталады

Халықаралық қылмыстық сотта Оңтүстік Африка Республикасының Израильге қарсы «геноцид» ісіне қатысты 2 күндік тыңдау процесі бүгін басталады.

Израильдің Палестина жеріндегі халықаралық құқықты бұзуы 7 қазан күнінен бері жалғасып жатса, Оңтүстік Африка 29 желтоқсан күні Біріккен Ұлттар Ұйымының (БҰҰ) 1948 жылғы «Геноцид қылмысының алдын алу және жазалау туралы конвенциясын» бұзды деген себепті Тель-Авивке қарсы сотқа жүгінді. Тапшылықты тоқтату үшін күш-жігерін жұмсап, маңызды бір қадам басты.

Голландияның бас қаласы Гаагадағы Бейбітшілік сарайында жұмыс істейтін Біріккен Ұлттар Ұйымының (БҰҰ) негізгі сот органы Халықаралық қылмыстық сотта Оңтүстік Африканың Израильге қарсы сақтық шараларын қолдану туралы өтінішіне қатысты тыңдау басталады.

Оңтүстік Африка Израильді «Геноцид конвенциясын үш жолмен бұзды» деп айыптайды.

Біріншіден Оңтүстік Африка Израильдің Газа секторындағы операцияларымен бір ұлтқа, нәсілге және дінге мүше Газа халқын өлтіру және оларға ауыр физикалық немесе психикалық зиян келтіру уәжімен әрекет еткені және газандықтардың физикалық болмысын жою мақсатты әдейі өзгерткенін алға тартады.

Екіншіден Оңтүстік Африканың 84 беттік өтінішінде Израильдің геноцидтің алдын ала алмағаны атап көрсетіледі.

Үшіншіден Оңтүстік Африка Израильдің геноцидті ынталандыратын лауазымдыларды жазаламағанына назар аударады.

Оңтүстік Африка 9 баптан тұратын шара қолдану шешімін талап етуде. Бұл аяда Халықаралық соттан Израильдің;

1. Газадағы әскери операцияларды дереу тоқтатуын,

2. Өз бақылауындағы топтардың Газа секторындағы кез-келген әскери операцияны жалғастыратын қадамдардан бас тартуын,

3. Палестиналықтарға қарсы геноцид қылмысының алдын алу үшін барлық қажетті шараларды қабылдауын,

4. Геноцид конвенциясының 2-бабы аясына қамтылған кез-келген әрекеттен аулақ болуын,

5. Жер аударылған адамдардың үйлеріне қайтып оралуын және гуманитарлық көмекке, соның ішінде жеткілікті азық-түлікке, суға, отынға, медициналық және гигиеналық құралдарға, баспана мен киімге қол жеткізуін қамтамасыз етуін,

6. Геноцидке қатысы барларды жазалау үшін қажетті шараларды қабылдауын,

7. Геноцидтің дәлелдемелерін сақтау және осы мақсатпен келетін халықаралық лауазымды тұлғалар мен басқа лауазымды тұлғалардың Газа секторына кіруіне кедергі жасамауын,

8. Қабылданған шаралардың орындалуы туралы сотқа тұрақты есеп ұсынылуын,

9. Сот процесін қиындататын немесе созатын іс-әрекеттерден бас тартуына үкім шығарылуын қалайды.

Іс бойынша оңтүстік африкалық тарапты бұған дейін Халықаралық қылмыстық сотта бірнеше рет сот төрешісі болып міндет атқарған оңтүстік африкалық профессор Джон Дугард бастаған заңгерлер тобы, Израиль атынан британдық заңгер Малкольм Шоудың қорғаушы болып өкілдік жасайтыны білдірілді.