Газа қаласына бір литр жанармай да кірген жоқ

Газа секторының солтүстігіндегі Газа қаласына бір литр жанармайдың да кірмегені және аймақтағы 700 мың палестиналықтың негізгі қызметтерге қол жеткізе алмағаны айтылды.

Газа мэрі Яхья Серрак қаладағы қиыншылықтардың жалғасып жатқанын айтты.

Газа секторының солтүстігінде шамамен 700 мың адамның негізгі қызметтерге мұқтаж екенін түсіндірген Серрак алғашқы көмек пен іздеу-құтқару топтарының жұмыс істей алуы үшін жолдардың ашылуы, құдықтар мен станциялардың іске қосылуы, қоқыстардың жиналуы керектігін айтты.

Серрак бұл қызметтерді көрсету үшін жанармай қажет екенін, бірақ әзірге Газа қаласына бір литр жанармай да кірмегенін айтты.

Газа мэрі әсіресе солтүстік өңірлерде азық-түлік, су, электр энергиясы аса қажет екенін баса айтты.