Олаф Шольц Түркия мен Грекия жақындасуын бағалады

Германия канцлері Олаф Шольц Грекия мен Түркия арасындағы тату көршілік қарым-қатынастарға риза болатындарын атап көрсетті.

Шольц пен Грекия премьер-министрі Кирякос Мицотакис Берлинде өткен кездесуден кейін ортақ баспасөз мәслихаты ұйымдастырылды.

Түркия мен Грекияның НАТО мүшесі және Грекияның Еуроодақ (ЕО) мүшесі екеніне назар аударған Шольц соңғы жылдары екі ел қарым-қатынастары тақырыбында көмектескендерін білдірді.

«Грекия мен Түркия арасындағы тату көршілік қарым-қатынастарға ризамыз» деген Шольц «Қорытып айтқанда, бұл екі мемлекет (олардың арасындағы) мәселелерді шешуі керек. Мен Грекияда жаңа үкімет құрылғаннан бері жүзеге асқан жақсы байланыстарды үлкен қызығушылықпен атап өттім. Алдағы уақытта Грекия мен Түркия үкіметтері арасында өткізу жоспарланған келіссөздерді асыға күтеміз» деді.

Еуроодақ пен Түркия арасындағы иммиграциялық келісімнің қайта жандануы туралы сұраққа Шольц ЕО-тың бұл мәселе бойынша келіссөздер жүргізіп жатқанын және бұл келіссөздерді қарқынды түрде қадағалап жатқандарын мәлімдеді.

Шольц бұл жерде назарға алатын түрлі аспектілер бар екенін айтып, «Олардың бірі Түркия қабылдаған босқын санының көптігі мәселесі. Мұны естен шығармау керек. Түркия өз еліне көптеген босқынды қабылдады және біз олардың осылай қалуын қолдаймыз. Әрине Еуроодақ елдеріне осылай көші-қон болмайды деген үмітпен» деді.

Сондықтан Шольц Еуроодақ пен Түркия арасындағы көші-қон келісімінің жалғасуы және дамуы керек екенін атап көрсетті.

Грекия премьер-министрі Кириакос Мицотакис де Грекия үкіметінің Түркиямен заңсыз иммиграцияның алдын алу бойынша ынтымақтастықты одан әрі дамытқысы келетінін және Еуроодақтың осы дағдарыстың ауыртпалығын көтерген елдерге қаржылық көмегін арттыруы керектігін білдірді.