Вучич НАТО бейбітшілік күшін қолдайтынын айтты

Сербия президенті Александр Вучич НАТО-ның Косоводағы Бейбітшілік күштерінің тұруын қолдайтындарын айтты.

Вучич ел астанасы Белградта Неапольдегі НАТО-ның одақтас күштерінің қолбасшысы адмирал Стюарт Бенджамин Мюншті қабылдады.

Кездесу туралы әлеуметтік медиа парақшасында мәлімдеме жасаған Вучич Мюншпен Батыс Балқан мен Таяу Шығыстағы соңғы оқиғаларды талқылағанын білдірді.

«Мен Косоводағы сербтердің онсыз да қиын болған жағдайының тіпті нашарлауына алаңдаушылық білдірдім» деді президент Вучич. 

Сербияның НАТО-ның Косоводағы Бейбітшілік күштерінің болмысын қолдайтынын айтқан Вучич «Косоводағы Бейбітшілік күштерінің бейтарап көзқарасын сақтап, аймақтағы қауіпсіздік жағдайын бұзатын кез келген оқиғаға дереу араласуын күтеміз» деді.

Косовоның солтүстігінде айлар бойы жалғасып келе жатқан шиеленіс қыркүйектің 24-і күні таңертең негізінен сербтер тұратын Банжскада жолды жауып тастаған қарулы сербтердің оқ атуы салдарынан бір полиция қызметкерінің қаза табуымен қайта ушыға түсті.