Грекияда өрттен қаза тапқандар саны 21-ге жетті
Елде орман өрті әлі жалғасып жатыр.
Грекияның Эврос аймағындағы өртеніп жатқан Дадия орманында заңсыз босқындікі деп есептелген мәйіт табылғаны хабарланды.
Бүгін таңертең Каважык (Лефкими) ауылы маңындағы орман алқабында өртенген мәйіт табылды. Сот-медициналық сараптама институтына сараптамаға жеткізілген мәйіттің Эврос өзенінен Грекияға өтпек болған заңсыз босқынға тиесілі екені болжануда.
Елде 19 тамыздан бері жалғасып келе жатқан өрт 7-ші күні толық бақылауға алынбаса да бұрынғыдай емес. Виотияда 21 тамызда бір шопан мен Эврос аймағындағы Каважыкта (Лефкими) бір босқын қайтыс болды.
22 тамызда Дадия орманы аймағында 18 адамның, оның ішінде 2 баланың мәйіті табылған еді.
Осылайша елдегі өрттен қаза тапқандар саны 21-ге жетті.
Грекияда соңғы 20 жылда болған ең үлкен орман өртінде өрт қойды деген күдікпен ұсталған 140 адамның 73-іне қатысты сот ісі басталды.