Ресейге пилотсыз әуе көлігі шабуылдарының алды алынды
Ресей Украинаның 6 пилотсыз әуе көлiгiн құлатқанын мәлімдеді.
Ресейдің бас қаласы Мәскеудің батысындағы Калуга аймағына Украинаның пилотсыз әуе көліктерімен шабуыл жасау әрекетінің алдын алғаны жарияланды.
Ресей Қорғаныс министрлігі жасаған мәлімдемеде Украинаның 6 пилотсыз әуе көлігімен шабуыл жасау әрекетіне қатысты «Бүгін түнде Калуга аймағы үстінде Киев режимінің пилотсыз әуе көліктерімен террорлық шабуыл әрекетінің алды алынды» делінді.
Орыс әуе қорғаныс жүйелерінің 6 пилотсыз әуе көлігін құлатқаны туралы ақпарат бөлісілген мәлімдемеде алды алынған шабуыл нәтижесінде ешбiр шығын болмағаны білдірілді.
24-28 шілде күндері Украинаның Мәскеуге пилотсыз әуе көліктерімен шабуыл жасағаны, зардап шеккен және шығын болмағаны хабарланған еді.
30 шілде мен 1 тамыз күндері аралығында Ресей Қорғаныс министрлігі Украинаның Мәскеу аймағына пилотсыз әуе көліктерімен шабуыл жасамақ болғанын хабарлады.
Екі шабуылда да Мәскеу-Сити аймағындағы зәулім ғимаратқа пилотсыз әуе көліктері соғылып, ғимаратқа зақым келдi.
Ұқсас жаңалықтар
Зеленский мемлекеттік күзет басшысын қызметінен босатты
Бұл шешім 7 мамырда Мемлекеттік күзет басқармасының екі полковнигі ұсталған соң қабылданған.
