Иранда жарылыс

Иранның Кирман қаласында заңсыз жанармайдың ағуы салдарынан болған жарылыстан көптеген үй мен көлік зақымдалды.

Иранның ресми ақпарат агенттігі «IRNA»-ның хабарлауынша, Кирман қаласындағы Голдешт көшесінде контрабандалық жанармай тиеген көлікте ағып кету нәтижесінде үлкен жарылыс болды.

Жарылыс салдарынан жақын маңдағы 20-дан астам тұрғын үй мен 5 көлікке зақым келді. Оқиғада қаза тапқандар мен зардап шеккендер жоқ.

Жарылыстан кейін өрт сөндірушілердің шыққан өртті сөндіргені білдірілді.