Перудің бұрынғы премьер-министр Бетси Чавес ұсталды
Такна қаласындағы үйінен полиция топтарының бақылауымен алынған Чавес Чилимен шекарадағы түрмеге уақытша жеткізілген.
Перудің бұрынғы премьер-министр Бетси Чавес 2022 жылы 7 желтоқсанда прокуратураның бұйрығымен Конгреске қарсы төңкеріс жасауды жоспарлауда рөл атқарды деген айыппен ұсталды.
Ұлттық ақпарат құралдарының хабарына қарағанда Такна қаласындағы үйінен полиция топтарының бақылауымен алынған Чавес Чилимен шекарадағы түрмеге уақытша жеткізілген.
Прокуратура 18 айға қамауға алуды сұраған Чавес ұсталғанға дейін өзінің "Tik Tok" парақшасындағы мәлімдемесінде үйінде полицияны сабырмен күтіп отырғанын айтты.
Чавес өзіне қатысты қамауға алу туралы шешімнің соттан хабарланбағанын алға тартып, миллиондаған перуліктердің қолдауын қасында сезінгенін айтты.
Прокуратура бұрынғы премьер-министр Чавесті Перудың бұрынғы президенті Педро Кастильомен бірге Конгреске қарсы сәтсіз төңкеріс әрекетіне қатысқаны пайымдауымен айыптап отыр.
Кастильоны үкіметті құлатты деп айыптаған Конгресс тарапынан 2022 жылы 7 желтоқсанда «тұрақты моральдық қабілетсіздік» деген айыппен қызметінен босатқан болатын.
Конгресте Кастильоны қызметінен босату себебін «қоғамдық міндеттерді басып алу, мемлекеттік биліктің жұмыс істеуіне кедергі келтіру және конституциялық құрылысты бұзуға әрекет жасау» деп көрсетілді.
Педро Кастильо Конгресті тарату және ұлттық төтенше жағдай үкіметін құру туралы шешім қабылдағаннан кейін ұсталды.
Ұқсас жаңалықтар
Перудағы жол апатында 11 адам қаза тапты
Жергілікті БАҚ-тың хабарлауынша жолаушы автобусы жүк көлігімен соқтығысты.
Тағы 8 палестиналық қаза тапты
Израиль армиясы Дженин қаласы мен Дженин босқындар лагеріне шабуыл жасады.
