Тырысқақ індеті асқынып барады

Тырысқақ індеті 43 елдегі 1 миллиардқа жуық адамға қауіп төндіруде.

Дүниежүзілік Денсаулық сақтау ұйымы мен БҰҰ Балалар қоры ЮНИСЕФ жасаған мәлімдемеде көптеген елдің тырысқақ індетімен бетпе-бет келгені хабарланды.

Мәлімдемеде тырысқақ індетіне қатысты жағдайдың 10 жыл бұрынғыдан да нашарлағаны және ауру санының артқаны атап өтілді.

43 елде бір миллиард адамның тырысқақ ауруына шалдығу қаупі бар екені жазылған мәлімдемеде әсіресе 5 жастан төменгі балаларда бұл қауіптің әлдеқайда жоғары екені білдірілді.

Мәлімдемеде тырысқақ індетінен өлім-жітімнің үрейлі деңгейде артқанына назар аударылды.

Малави мен Нигериядағы ауру санының биыл күткеннен жоғары болғаны айтылған мәлімдемеде Малави, Мозамбик, Оңтүстік Африка, Танзания, Замбия және Зимбабведе тараған инфекциялардың Оңтүстік-Шығыс Африкаға қатты әсер еткені атап өтілді.

Мәлімдемеде:

«Ағымдағы жылдың ақпан және наурыз айларында «Фредди» дауылы Малави мен Мозамбикте 800 мың адамның ел ішінде мекенінен кетуіне және денсаулық сақтау қызметтеріне қол жеткізе алмауына себеп болды. Сондықтан нөсерлі жаңбыр мен су тасқыны аймақта тырысқақ ауруының қаупін арттырды" деп көрсетілді.

Дүниежүзілік Денсаулық сақтау ұйымының тырысқақ індетімен күрес жөніндегі директоры Генри Грей тырысқақ ауруы маусымдық өзгерістер көрсетуі және тіпті көп артуы мүмкін екенін болжағанын атап өтті.

ЮНИСЕФ-пен тығыз ынтымақтастықта жұмыс істеп жатқандарын білдірген Грей 2025 жылға қарай вакцина штамтарын екі еселеу керек екенін де атап көрсетті.