Зеленский АҚШ-тың екі делегациясын қабылдады
Помпео Украинаны қолдауды жалғастырудың маңыздылығын атап өтті.
Америка Құрама Штаттарының (АҚШ) Өкілдер палатасының делегациясы Украинаға барып, президент Владимир Зеленскиймен кездесті.
Өкілдер палатасының барлау комитетінің спикері, республикашыл Майк Тернер Twitter-де Украина астанасы Киевке делегациямен, оның ішінде өз партиясының кейбір депутаттарымен барғанын және Зеленскиймен кездескенін білдірді.
Тернер АҚШ-тағы Республикалық және Демократиялық партиялардың Ресейге қарсы күресінде Украинаны қолдауын жалғастыратынын атап өтті.
Украина президенттігінің ресми сайтында жасалған мәлімдемеде Зеленскийдің кездесу барысында АҚШ-тың қолдауының маңыздылығын атап өткені айтылды.
Сондай-ақ Зеленский 2024 жылғы президенттік сайлауға аты аталғандардың бірі АҚШ-тың бұрынғы мемлекеттік хатшысы Майк Помпео бастаған АҚШ саясаткерлері, іскер адамдары мен қайырымдылық институттарының өкілдерінен тұратын делегациясын қабылдады.
Помпео сапары туралы Twitter-де "Украинадан жаңа ғана шықтым. Мен (Ресей президенті Владимир) Путиннің басқыншылығының зардаптарын өз көзіммен көрдім және мені украин халқының батылдығы шабыттандырды. Украинаға осы соғысты тоқтатуға көмектесу - АҚШ-тың негізгі мүддесіне сай» деп жазды.
Осы тұрғыда Помпео Украинаны қолдауды жалғастырудың маңыздылығын атап өтті.
Ұқсас жаңалықтар
Ауғанстанда туристерге жасалған шабуылды ДАИШ мойнындады
Бамиян провинциясындағы туристік аймақтарға барған бір топ туристерге қарумен шабуыл жасалды.
Ирландия Палестина мемлекетін мойындайтын болды
Саймон Харрис Палестина мемлекетін айдың соңына дейін мойындауға ниетті екендерін айтты.