Калифорния штатында төтенше жағдай жарияланды

Америка Құрама Штаттарының (АҚШ) Калифорния штатында біраздан бері жалғасып келе жатқан қарлы боран өмірді қиындатқаны себепті төтенше жағдай шешімі қабылданды.

Калифорния губернаторы Гэвин Ньюом штаттың көп бөлігінде қарлы боранмен күреске қолдау беру үшін төтенше жағдай жариялағанын, жұмылдыру операцияларына қолдауға дайын болу үшін Ұлттық гвардияны да тағайындағанын жариялады.

Елдің ауа-райы туралы анықтама беретін «The Weather Channel»-дің хабарлауынша 1,5 метрден астам қар жауған Калифорнияның Сан-Бернандино ауданында кейбір жерлерде тұрғындар мен демалушылар қалып қойды.

АҚШ-тағы электр қуатының үзілуін бақылайтын «PowerOutage.us» сайтының мәліметі бойынша штаттағы қысқы жағдайға байланысты 74 мыңнан астам үй электр қуатына қол жеткізе алмай отыр.

Метеорологтар елдің солтүстік аймақтарында қысқы жағдайдың тағы 8-10 күн жалғасатынын және Аризонаға ықпал ететін қарлы боранның бүгіннен бастап Техас штатының солтүстігін қамтитынын мәлімдеді.