С. Корея баллистикалық зымыран сынады

Жапония мен Оңтүстік Корея Солтүстік Кореяның Жапон теңізі бағытында баллистикалық зымыран сынақтарын өткізгенін хабарлады.

«Солтүстік Корея жергілікті уақыт бойынша 06:59 және 07:10-да Жапон теңізі бағытында екі баллистикалық зымыранды ұшырды» деп хабарлады Жапония Қорғаныс министрлігі.

Жапония арнайы экономикалық аймағынан тыс жерге құлаған қысқа қашықтықтағы баллистикалық зымырандар аймақтағы нысандарға зақым келтірмеді.

Премьер-министр Кисида Фумио Біріккен Ұлттар Ұйымы (БҰҰ) Қауіпсіздік кеңесін Солтүстік Кореяның сынақтарын талқылау мақсатымен жиналысқа  шақырғандарын білдірді.  Токио үкіметі сондай-ақ  Қытайдағы Жапония елшілігі арқылы Солтүстік Корея әкімшілігіне наразылық білдірді.

Оңтүстік Корея Бас штабы да зымырандардың Сукчон аймағынан ұшырылғанын, оның біріншісі 390 шақырым, екіншісі 340 шақырым әуеде ұшқанын хабарлады.