Талибанға шақыру

Біріккен Ұлттар Ұйымының Қауіпсіздік Кеңесі (БҰҰҚК) тәліптерді әйелдердің қоғамдық өмірге қатысуын шектейтін шешімдер мен процедураларын алып тастауға шақырды.

БҰҰ Қауіпсіздік кеңесі мәлімдемесінде Талибанның әйелдердің университеттерге кіруіне тыйым салуына қатты алаңдаушылық білдірілді.

Ауғанстандық қыздардың алтыншы сыныптан кейін мектепке баруына кедергі келтіретін шешімді айыптай отырып, мәлімдемеде әйелдер мен қыздардың елде толық, тең және азамат ретінде қабылдануы талап етілді.

Кеңес Талибанды мектептерді қайта ашуға және адам құқықтары мен негізгі бостандықтарға деген құрметтің «өсіп келе жатқан эрозиясын көрсететін» саясат пен тәжірибені тез арада жоюға шақырды.

Ауғанстандағы үкіметтік емес ұйымдарда  және халықаралық ұйымдарда әйелдердің жұмысқа орналасуына салынған тыйымның жойылуын талап ете отырып, Кеңес бұл тыйымның елдегі гуманитарлық көмек операцияларына айтарлықтай әсер ететінін баса айтты.

24 желтоқсанда Талибан үкіметтік емес ұйымдарда келесі ескертуге дейін әйел қызметкерлерді жұмысқа алуды тоқтатқан болатын.

Талибан уақытша үкіметінің Экономика министрлігінің баспасөз хатшысы Абдуррахман Хабиб министрліктің аталған шешімді елдегі барлық үкіметтік емес ұйымдарға жібергенін және бұл шешімнің орындалуы керектігін білдірген еді. Әйел кадрларды жұмысқа қабылдауды тоқтатпаған ұйымдардың лицензиялары жойылатыны айтылды.