АҚШ Украинаға 400 миллион доллар береді

Америка Құрама Штаттары (АҚШ) Мемлекеттік хатшысы Энтони Блинкен Украинаға Америка армиясының қазынасынан 400 миллион долларлық қосымша оқ-дәрі мен құрал-жабдық жәрдемі беретіндерін мәлімдеді.

Энтони Блинкен жазбаша мәлімдемесінде:

"АҚШ Украинаның өзін қорғауына деген қолдауын жалғастырады" деп көрсетті.

АҚШ президенті Джо Байден берген билікке сәйкес Украина үшін 26-шы рет қару-жарақ пен құрал-жабдықтардың АҚШ қазынасынан берілетінін айтқан Блинкен Қорғаныс министрлігінің инвентаризациясынан алынған 400 миллион долларлық пакетте  оқ-дәрілер мен әуе шабуылына қарсы қорғаныс құралдары және қосымша қару бар екенін білдірді.

Энтони Блинкен бұл пакетпен Украинаға әскери көмек көлемі шамамен 19.7 миллиард долларға жететінін мәлімдеді.

Зеңбірек оқ-дәрілері, мерген мылтықтары, әуе қорғаныс зымырандары мен тактикалық көліктердің соғыс алаңында Украинаға пайда әкелетінін атап көрсеткен Блинкен:

"Ұлыбритания премьер-министрі Риши Сунак Киевке соңғы сапары кезінде ұсынған  50 миллион еуролық әуе шабуылына қарсы қорғаныс жүйелерін ескергенде Франция мен Ұлыбритания да біздің күш-жігерімізге қатысуда.  Сондай-ақ Швецияның әуе шабуылына қарсы қорғаныс жөніндегі міндеттемелері шамамен 300 миллион АҚШ долларын құрайтынын айта кетейік. Біз Украинаның өзін қорғауы үшін қанша уақыт созылғанына қарамай қолдауды жалғастырамыз" деп көрсетті.