Иранда шерушіге өлім жазасы берілді

Ирандағы шерулерге қатысқандарға байланысты сот процестерінде екінші рет өлім жазасы шықты.

Ел астанасы Тегеранда тұтқында болған Махса Аминидің өлімінен кейін басталған шерулерге қатысқан және «бүлік шығарды» деп айыпталған көптеген демонстранттарға қатысты сот процесі жалғасып жатыр. Тегеран революциялық соты тағы бір адамды өлім жазасына кесті.

Иранның сот жүйесіне қарасты «Мизан» ақпарат агенттігінде жарияланған хабарда «Тергеу процесі әділдік пен заң негізінде жылдам басталып, сотталушыларға қатысты сот процесі жалғасуда» деп айтылды.