Путин Миннихановтың "президент" атағын өзгертті

Ресей президенті Владимир Путин алғаш рет ресми құжатта Татарстан президенті Рустам Миннихановтың "президент" атағын алып тастады.

Владимир Путин Ресей Федерациясы Мемлекеттік Кеңесінің мүшелеріне байланысты қол қойған жарлықпен Татарстан президенті Рустам Миннихановтың "президент" атағын алып тастап, федерация құрамына кіретін аймақтардың ең жоғары деңгейдегі басқарушысына берілетін «төраға» атағына айналдырды.

Владимир Путин өткен ай Мемлекеттік Кеңестің жиналысында Рустам Миннихановты "президент" деп атаған еді.

Ресей Парламентінің астыңғы қанаты Думада кейбір депутаттар қыркүйекте Ресей Федерациясын құрайтын аймақтардың ең жоғары деңгейдегі басшыларының атағын қолдануы жайлы федералдық өреде заң жобасын дайындаған. 

Заң жобасы Татарстан Республикасының Мемлекеттік кеңесіне (Татарстан Парламенті) жіберілді. Татарстан Парламенті де 25 қазан күні өткен жиналыста 100 депутаттың 82 дауысымен заң жобасын қабылдамады.

Осыған қарамастан заң жобасын 14 желтоқсанда Ресей Парламентінің төменгі палатасы Мемлекеттік Дума мақұлдап, келесі күні Федерация Кеңесінен өтіп, оған президент Путин 21 желтоқсанда қол қойды.

Заң жобасына сәйкес федерацияны құрайтын аймақтардың ең жоғары деңгейдегі басшысы «аймақ төрағасы» мағынасына келетін «төраға» деп аталады.

Заңның төрағаның лауазымы мен төлемдеріне қатысты бөлігі маусым айында күшіне енді.