Токиода Абэ Синдзоны жерлеу рәсімі өткізілді
Абэ Синдзоның мәйіті қойылған көлік Премьер-министрлік кеңсесі, Парламент ғимараты және Абэнің Либерал-демократиялық партиясының ғимараты алдынан өтті.
Жапонияның астанасы Токиода 8 шілдеде сайлау науқаны кезінде қарулы шабуыл салдарынан қаза тапқан бұрынғы премьер-министр Абэ Синдзоны жерлеу рәсімі өткізілді.
Токионың орталығындағы Зоджо-Джи буддистік ғибадатханасында аздаған адамдармен баспасөзге жабық өткен жерлеу рәсіміне отбасындағылармен бірге премьер-министр Фумио Кишида және депутаттар қатысты.
Жаназа рәсімінен кейін Абэ Синдзоның мәйіті қойылған көлік Премьер-министрлік кеңсесі, Парламент ғимараты және Абэнің Либерал-демократиялық партиясының ғимараты алдынан өтті.
Көлік жүретін жолда тығыз қауіпсіздік шаралары жүргізілгені байқалды, жол жиегіне жиналған мыңдаған адам қолдарына алған гүл шоқтарымен Абэ Синдзоны соңғы сапарына аттандырды.
Жапонияның бұрынғы премьер-министрі Абэ 8 шілдеде елдің Нара қаласында Либералдық-демократиялық партия үміткерлерінің сайлау науқанын қолдап, ашық шарада сөйлеген кезде кеудесіне оқ тиген болатын.
Жапония мемлекеттік NHK телеарнасы шабуылдан кейін ауыр жарақатпен ауруханаға жеткізілген Абэнің қайтыс болғанын хабарлады.
Ұқсас жаңалықтар
Зеленский мемлекеттік күзет басшысын қызметінен босатты
Бұл шешім 7 мамырда Мемлекеттік күзет басқармасының екі полковнигі ұсталған соң қабылданған.