Джо Байден Жапония мен Оңтүстік Кореяға барады
Бұл туралы Джен Псаки мәлімдеді.
АҚШ президенті Джо Байден 20-24 мамырда Жапония мен Оңтүстік Кореяға барады.
Ақ Үйдің баспасөз хатшысы Джен Псаки жазбаша мәлімдемесінде «Президент Байден үкіметтеріміз, экономикаларымыз бен халықтарымыз арасындағы байланысты одан әрі нығайту үшін 20-24 мамырда Оңтүстік Корея мен Жапонияға барады» деді.
Сапардың Байден әкімшілігінің «ашық және еркін Үнді-Тынық мұхиты» міндеттемесінің көрсеткіші болатынын айтқан Псаки: «Бұл сапар 12 және 13 мамырда Вашингтонда өтетін АҚШ-АSEAN (Оңтүстік-Шығыс Азия елдері қауымдастығы) арнайы саммитін қоса алғанда, Үнді-Тынық мұхитымен бір жылдан астам қарқынды дипломатияның жемісі» деді.
Джо Байденнің Оңтүстік Кореяда да, Жапонияда да әріптестерімен кездесетінін айтқан Псаки елдер арасындағы қарым-қатынастарды жақсарту, экономикалық байланыстарды кеңейту және ынтымақтастықты арттыру сияқты мәселелердің талқыланатынын атап өтті. Псаки Байденнің Токиоға сапары аясында Австралия, Жапония, Үндістан және АҚШ-тан тұратын «Төрттік» деп аталатын топтың отырысына да қатысатынын айтты.
Ұқсас жаңалықтар
Зеленский мемлекеттік күзет басшысын қызметінен босатты
Бұл шешім 7 мамырда Мемлекеттік күзет басқармасының екі полковнигі ұсталған соң қабылданған.
