Ресейдің Қазақстандағы оқиғалар туралы мәлімдемесі

Ресей Қазақстандағы наразылықтарға байланысты жағдайдың қалыпқа келуіне үмітті екенін мәлімдеді.

Ресей Сыртқы істер министрлігі жасаған жазбаша мәлімдемеде Қазақстандағы оқиғалардың жіті қадағаланғанын атап «Барлық мәселелерді көшедегі тәртіпсіздіктер мен заң бұзушылықтар арқылы емес, конституция, заңдар және келіссөз аясында бейбіт жолмен шешуді жақтаймыз» делінді. 

Қазақстан президенті Қасым-Жомарт Тоқаевтың бұл бағыттағы қадамдарының жағдайды тұрақтандыру және заңды талаптар қойып отырған наразылық білдірушілердің өзекті мәселелерін дереу шешуге бағытталғаны атап көрсетілген мәлімдемеде «Ресей стратегиялық серіктестік пен одақтастық, бауырластық және гуманитарлық қарым-қатынастармен байланысты елдегі жағдайдың мүмкіндігінше қысқа уақытта қалыпқа келуіне үміттенеміз» делінді. 

Ресейдің Қазақстандағы дипломатиялық өкілдіктері төңірегінде тыныштық сақталатыны хабарланған мәлімдемеде елдегі Ресей азаматтарының зардап шекпегені және оқиғалардың қадағаланғаны атап көрсетілді. 

Қазақстанның батысында 2 қаңтар күнінен бастап сұйытылған мұнай газының қымбаттауы мен елдегі әлеуметтік-экономикалық жағдайдың нашарлауына байланысты наразылық акциялары елдің басқа аймақтарына да тарады.  

Көшелерде шиеленістер байқалған шерулер кезінде қауіпсіздік күштері мен наразылық білдірушілер арасында кейде қақтығыстар болды. 

Полиция мен әскери көліктерді өртеп, үкімет ғимараттарына басып кірген шерушілерге дыбыс бомбалары және көз жасын ағызатын газ қолданылды. 

Қазақстан президенті Қасым-Жомарт Тоқаев үкімет шерулерге жауапты деп отставкаға кетуін талап етті.

Наразылық акциялары көптеген аймаққа тараған соң елорда Нұр-Сұлтан, Алматы қаласы және Маңғыстау облыстарында төтенше жағдай жарияланды.