Жапонияда дені сау өмір сүру мерзімі артты

Жапонияда рекорд жаңартқан дені сау өмір мерзімі әйелдер үшін 75, ерлер үшін 72 жасқа жетті.

Әрбір үш жылда бір рет ел көлемінде шамамен 200 мың үйде жүргізілген зерттеудің 2019 жылғы қорытындысын Жапония Денсаулық сақтау министрлігі жариялады. Адамдардың ешкімнің көмегінсіз өмір сүруі деген мағынаға келетін «дені сау өмір сүру мерзімі» әйелдер үшін 75,38, ерлер үшін 72,68 жас деп жарияланды.

Зерттеу жасалып басталған 2001 жылдан бері аталмыш мерзім әрі әйелдерде,  әрі ер адамдар үшін артып отыр. Уәлаяттарға қарағанда Миедегі әйелдер мен Оитадағы ерлер ең ұзын өмір сүретіндер.