ЕО-дан Украинаға қаржылай көмек
Украинаға қорғаныс cаласын нығайту және бейбітшілікке үлес мақсатымен 31 миллион евролық көмек беріледі.
Еуропа Одағы Украинаға қорғаныс cаласын нығайту және бейбітшілікке үлес мақсатымен 31 миллион евролық көмек беретінін хабарлады.
ЕО Кеңесінен жасалған жазбаша хабарламаға сәйкес, Украинамен бірге Грузия, Молдова және Малиді де қамтыған көмек аталмыш елдерде әскери әлеуетті және қорғанысты жетілдіріп, бейбітшілікке үлес қосуды мақсат етеді.
Украинаға әсіресе төтенше жағдайларда қолданылатын жылжымалы ауруханалар, логистикалық бөлімдер секілді әскери медициналық базаларды қаржыландыру мақсатымен 31 миллион евролық қайтарымсыз көмек 36 ай ішінде беріледі.
Грузияға да сондай мақсатпен және сондай мерзім ішінде 12 миллион 750 мың евролық, Молдоваға 7 миллион евролық көмек беріледі.
Малиге болса 30 айлық мерзім ішінде 24 миллион евролық көмек қазір елде қызмет атқаратын ЕО Білім миссиясы арқылы беріледі.
Ұқсас жаңалықтар
Бейрут пен Тегеранға рейстер тоқтатылды
Авиакомпания бұған дейін Тегеран мен Бейрутқа рейстерін 18 сәуірге дейін тоқтатқан болатын.
Ауғанстандағы су тасқынында қаза тапқандар саны 70-ке жетті
Ұлттық апат агенттігінің баспасөз хатшысы Джанан Саек мәлімдеме жасады.
