Путиннің Ауғанстан арнайы өкілі Замир Кабулов мәлімдеме жасады

Ресей президенті Владимир Путиннің Ауғанстан арнайы өкілі Замир Кабулов АҚШ-тың Ауғанстандағы әскерлерін кері шегуді кейінге қалдыру туралы жоспарының елдегі бейбітшілік кезеңін қиындата түсетінін білдірді.

Орыс РИА ақпарат агенттігіне сұхбат берген Кабулов АҚШ-тың Ауғанстандағы әскерлерін 11 қыркүйек күніне дейін кері шегу жоспарын бағалап, АҚШ пен Талибан арасында Катардың бас қаласы Дохада 2020 жылы 29 ақпан күні қол қойылған бейбітшілік келісімін еске салды. Кабулов «Бұл бейбітшілік кезеңін қиындата түседі, өйткені бұл АҚШ пен Талибан арасындағы келісімнің ашық түрде тапталуы» деді.

Талибанның АҚШ-тың аталмыш қадамдарына қарсы екеніне назар аударған Кабулов «АҚШ-тық әріптестеріміз келісім жасаған Талибанға бұл жағдайды түсіндіруге тиісті. Келісімдерді жүзеге асыру керек» деді.