Мұхаммед Зариф Иранның алдын ала шартын мәлімдеді

Иран Сыртқы істер министрі Мұхаммед Джевад Зариф ядролық келісімге қатысушы тараптар міндеттемелерді ұстанған жағдайда, өздерінің уранды байыту қадамдарынан бас тарта алатынын атап көрсетті.

Зариф Твиттерден жасаған мәлімдемеде «Мәжілісіміз қабылдаған заңға сәйкес 20 пайызды қайтадан байыта бастадық. Атом энергиясы жөніндегі халықаралық агенттімен ережелер шеңберінде ақпар бөлістік. Реттеуші іс-шараларымыз кейбір Ауқымды бірлескен іс-қимыл жоспары (АБІЖ) қатысушыларының жылдардан бері уәделеріне бағынбағандары себепті Ауқымды бірлескен іс-қимыл жоспарының 36-шы пунктіне толық сәйкес. Біз қабылдаған шаралардың бағыты қатысушылардың барлығының толық бағыныштылығына қарама-қайшы өзгеруі де мүмкін» деді.

Ирандық БАҚ кеше Фордо Ядролық орталығында уранды 20 пайызға байыту іс-шарасының ресми түрде басталғанын жариялаған болатын.

P5+1 (АҚШ, Ресей, Қытай, Франция және Ұлыбританияға қоса Германия) елдері мен Иран арасында 2015 жылы қол қойылған Ядролық келісім Тегеран әкімшілігіне уранды ең көп 3,67 пайыз байытуға рұқсат беретін.

Америка Құрама Штаттарының (АҚШ) санкцияларының артынан келісімдегі уәделерін тоқтатқан Иран байытылған уран мөлшерін 4,5 пайызға көтерген болатын.