Иран шерулерге қолдау бергенін алға тартқан 4 елді қорқытты

Иран төңкеріс сарбаздары қолбасшысы генерал Хүсейин Селами АҚШ, Ұлыбритания, Израиль мен Сауд Арабиясына үн қатып, «Егер сіз біздің қызыл сызықтарымызды кесіп өтсеңіз, біз сізді құртамыз» деді.

Иранда режим жақтаушылары өткен аптадағы бензин бағаларының қымбаттауымен басталған протесттерге наразылық мақсатты бас қала Тегеранда кеше шеру ұйымдастырды.

АҚШ, Израиль және Сауд Арабиясына қарсы ұрандар тасталған шеруде бензинге 15 қараша күні жасалған %300 бензин бағаларының қымбаттауын протест еткендерді «бүлікшілер» деп айыптады. Шерушілер ұстаған және мемлекет басшысы Хасан Рухани үкіметін сынға алған плакаттар да назар аударды.

Төңкеріс сарбаздары қолбасшысы Селами осындағы баяндамасында бензин бағаларына қарсы наразылықтарды «соғыс» және «сценарий» болып бағалады.

Селами оқиғаларға қолдау бергенін алға тартқан елдерді нысанаға алып, «АҚШ, Ұлыбритания, Израиль және Сауд Арабиясына үн қатамын: Бізді майданда сынадыңыз мықты түрде жауабын қайтардық, үндерің өшті. Әлем осы қайтарған жауаптарымыздың кейбіреулеріне куә болды, кейбіреулерін байқамады. Егер сіз біздің қызыл сызықтарымызды кесіп өтсеңіз, біз сізді құртамыз» деді.

АҚШ санкцияларының да ықпалымен экономикалық тұрғыдан қиын кезеңдерден өткен Иран халқы 15 қараша күні бензин бағаларының 3 есе қымбаттағаны жөніндегі мәлімдеменің артынан елдің көптеген қаласында протесттер ұйымдастырған болатын.