Ауыл шаруашылығы саласы экспортта рекорд жаңартты

Ауыл шаруашылығы саласы 11 миллиард 175 миллион доллармен қаңтар-сәуір айларында қазірге дейінгі ең жоғарғы экспорт деңгейіне ұласты.

Жылдың алғашқы 4 айында 2022 жылдың бірдей кезеңімен салыстырғанда 1,6 пайызға өскен ауыл шаруашылығы экспорты Түркияның жалпы сыртқы саудасынан 13,8 пайыздық үлес алды.

Ауыл шаруашылығында жұмыс істейтін 10 саланың 3-і алғашқы 4 айда экспорт рекордын жаңартты.

Дәнді дақылдар, бұршақ дақылдары, майлы тұқымдар және өнімдері 3 миллиард 801 миллион доллар, жаңа піскен жемістер мен көкөністер 1 миллиард 176 миллион доллар, зәйтүн және зәйтүн майы 377 миллион 17 мың доллармен қаңтар-сәуір айларының ең жоғары экспорты болып тіркелді.

Елдер бойынша жылдың алғашқы 4 айында Иракқа бұршақ, майлы дақылдар мен өнімдері 660 миллион 600 мың доллар, Ресейге жаңа піскен жеміс-көкөніс секторы 316 миллион 534 мың доллар, Испанияға зәйтүн және зәйтүн майы саласы 130 миллион 700 мың АҚШ доллары көлемінде экспортталды.