Мен күн сайын жаяу жүремін, өйткені денсаулыққа пайдалы

Біздің денеміздегі жүйелер өз ішінде де, бір-бірінің арасында да үйлесімді жұмыс істейді. Былайша айтқанда, денсаулық сөзі осы үйлесімділіктің анықтамасы болып табылады. Жұмыстағы болымсыз жағдайлар  ауруларды тудырады. Бүгінгі таңда медицина әлемі ауруларды емдеу әдістемелерінде ауру пайда болудан бұрын алдын алу шараларына қатты көңіл бөледі. Осы мақсатта адамдардың дене белсенділігін, тамақтануын және ұйқы режимін тиімді ететін ұсыныстар әзірлейді. Жүйелі серуендеу-бүкіл денені шынықтыратын әрекеттердің бірі.

***

Дүниежүзілік денсаулық сақтау ұйымы әр адамға, жасына қарамастан, аптасына кемінде екі жарым сағат жаяу жүруді ұсынады. Ұйымның айтуынша, аптасына үш жарым сағатты аяқтай отырып, күніне жарты сағат жаяу жүру идеалды болып табылады. Өйткені жүйелі серуендеу жүрек-қан тамырлары денсаулығынан психологияға дейін көптеген тақырыпта адам денсаулығына ықпал етеді. Қан айналымын реттейтін жаяу жүру метаболизмді жеделдету арқылы артық салмақтың алдын алудың ең тиімді әдісі болып саналады. Жаяу серуендеу бұлшықет пен сүйек жүйеміздің ең жақсы досы болуға лайық, өйткені ол бұлшықеттерді нығайтады және буындардың икемділігін арттырады. Зерттеулер көрсеткендей, біздің денеміздің тұрақты жұмыс істейтін иммунитеті жүрудің арқасында артады.

***

Жүйелі серуендеу тек денемізге ғана емес, рухани дүниемізге де пайдалы екенін атап өтейік. Жаяу жүру кезінде бөлінетін эндорфин гормоны бақыт деңгейімізді арттырады және стресті азайтады. Стресс жағдайында қан қысымының көтерілуін азайту арқылы қан қысымын реттейді. Қант диабетін бақылауға және алдын алуға көмектеседі. Сүт безі, қуық асты безі және асқазан-ішек жолдары сияқты қатерлі ісіктің кейбір түрлеріне қарсы тәуекелді азайтады. Достарымызбен немесе отбасы мүшелерімізбен серуендеу әлеуметтік байланыстарымызды нығайтуға көмектеседі.

Осы таңда ұялы телефондар мен смарт сағаттар күнделікті жүру уақытын немесе қадам санын есептейді. Осылайша біз қанша уақыт және неше шақырым жол жүргенімізді біле аламыз.