პრეზიდენტმა ერდოღანმა მინისტრთა კაბინეტის სხდომის შემდეგ განცხადებები გააკეთა

პრეზიდენტმა რეჯეფ თაიფ ერდოღანმა განაცხადა, რომ ისრაელის მმართველები "ადრე თუ გვიან მიიღებენ სასჯელს, რომელსაც იმსახურებენ და თავიანთ ადგილს დაიკავებენ ისტორიის ნაგავსაყრელზე".

პრეზიდენტმა ერდოღანმა მინისტრთა კაბინეტის სხდომის შემდეგ განცხადებები გააკეთა.

მან აღნიშნა, რომ მნიშვნელოვანი ადგილი დაიკავა დღის წესრიგში ისრაელის თავდასხმებმა ღაზას სექტორზე, რომელიც უკვე 2 თვეა გრძელდება და დაამატა: „ისრაელი პასუხს აგებს ყველა ჩაგვრაზე, რომელიც მან მიაყენა პალესტინას მეორე მსოფლიო ომის შემდეგ. ამისგან თავს ვერ დააღწევს, არ ვიცი, სად გაიქცევა (პრემიერი ბენიამინ) ნეთანიაჰუ".

თურქეთის პრეზიდენტმა აღნიშნა, რომ ისრაელის მმართველები ადრე თუ გვიან მიიღებენ სასჯელს, რომელსაც იმსახურებენ და თავიანთ ადგილს დაიკავებენ ისტორიის ნაგავსაყრელზე, დასავლეთის ქვეყნები, რომლებმაც ეს გამბედაობა მისცეს ნეთანიაჰუს ხელისუფლებას, იგივე ბედს გაიზიარებენ.

„ამერიკის შეერთებულ შტატებს და ევროპის ქვეყნებს ისრაელისთვის შეუზღუდავი პოლიტიკური, სამხედრო და ეკონომიკური მხარდაჭერა რომ არ გაეწიათ, ისრაელი ასე დაუფიქრებლად არ მოიქცეოდა“. - განაცხადა პრეზიდენტმა და დაამატა: „რაც უფრო მეტად გაამძაფრებს დასავლეთის კალთების ქვეშ დამალული ისრაელის ხელისუფლება სისასტიკეს, მით უფრო მძიმე ფასს გადაიხდის“.