თურქეთი ღაზის სექტორში მიღწეულ ცეცხლის შეწყვეტის შეთანხმებას მიესალმება

თურქეთმა განაცხადა, რომ ღაზას სექტორში ცეცხლის შეწყვეტა დადებითად მიიჩნია. საგარეო საქმეთა სამინისტროს წერილობით განცხადებაში ნათქვამია, რომ მხარეებს შორის მიღწეული შეთანხმება ღაზაში კონფლიქტების 4-დღიანი ჰუმანიტარული პაუზის გამოცხადების შესახებ, სადაც ისრაელის ძალების თავდასხმები გრძელდება თვეზე მეტი ხნის განმავლობაში, დადებით მოვლენად იქნა მიჩნეული სისხლისღვრის გარკვეულწილად შემსუბუქების თვალსაზრისით.

სამინისტროს განცხადებაში ხაზგასმით აღნიშნულია, რომ შეთანხმება, რომელიც მოიცავს ზოგიერთი მძევლისა და დაკავებულის გათავისუფლებას და ღაზაში ჰუმანიტარული დახმარების ოდენობის გაზრდას, მისასალმებელია.

„ვიმედოვნებთ, რომ ეს ჰუმანიტარული პაუზა დაეხმარება კონფლიქტების სრულად დასრულებას რაც შეიძლება მალე და დაიწყება პროცესი სამართლიანი და ხანგრძლივი მშვიდობისკენ ორი სახელმწიფოს გადაწყვეტის საფუძველზე. კატარის მხრიდან ამ საკითხთან დაკავშირებით მიღწეულ შეთანხმებას მივესალმებით“, ნათქვამია თურქეთის საგარეო საქმეთა სამინისტროს მიერ გავრცელებულ განცხადებაში.

შეგახსენებთ, რომ ისრაელმა და ჰამასმა მძევლების გათავისუფლების მიზნით საომარი მოქმედებების 4-დღიან ჰუმანიტარულ პაუზაზე შეთანხმდნენ.