საგარეო საქმეთა მინისტრი ჰაქან ფიდანი გერმანიის დედაქალაქ ბერლინს ეწვევა

საგარეო საქმეთა მინისტრი ჰაქან ფიდანი გერმანიის დედაქალაქ ბერლინს ეწვევა, სადაც ევროკავშირის გაფართოების საკითხზე მინისტერიალს დაესწრება.

საგარეო საქმეთა სამინისტროს განცხადებაში ნათქვამია: „ჩვენი მინისტრი ეწვევა ბერლინს, რათა დაესწროს ევროკავშირის გაფართოებისა და რეფორმების საკითხზე საგარეო საქმეთა მინისტრების კონფერენციას, რომელსაც მასპინძლობს გერმანიის საგარეო საქმეთა ფედერალური სამინისტრო 2023 წლის 2 ნოემბერს. კონფერენციაზე, რომელზეც მოწვეულნი არიან ევროკავშირის წევრი და კანდიდატი ქვეყნები, განიხილება ევროკავშირის გაფართოების სტრატეგიის ძირითადი დინამიკები და გაიცვლება მოსაზრებები იმ ნაბიჯებზე, რომლებიც უნდა გადადგას როგორც კავშირმა, ასევე კანდიდატმა ქვეყნებმა“.

განცხადებაში ასევე აღნიშნულია, რომ კონფერენციის დაწყებამდე მინისტრი ფიდანი ორმხრივ შეხვედრას გამართავს გერმანიის საგარეო საქმეთა მინისტრთან ანალენა ბერბოკთან და ასევე კონფერენციის ფარგლებში შეხვდება თავის ზოგიერთ კოლეგას.