დღეს მინისტრთა კაბინეტი შეიკრიბება
უნგრეთიდან დაბრუნებული პრეზიდენტი ერდოღანი დღეს მინისტრთა კაბინეტის სხდომას უხელმძღვანელებს
დღეს მინისტრთა კაბინეტი შეიკრიბება
უნგრეთიდან დაბრუნებული პრეზიდენტი ერდოღანი დღეს მინისტრთა კაბინეტის სხდომას უხელმძღვანელებს. შეხვედრაზე განიხილება ინფლაციასთან ბრძოლის, საჯარო მოხელეების და საპენსიო ხელფასების 2024-2025 წლების ზრდის კოლექტიური მოლაპარაკებების პროცესის საკითხები და ასევე საგარეო მოვლენები.
მინისტრთა კაბინეტის სხდომის დღის წესრიგი, რომელსაც პრეზიდენტი ერდოღანი გაუძღვება, დატვირთულია.
ბეშტეპეში გასამართ შეხვედრაზე საშინაო და საგარეო მოვლენებზე დეტალურად იქნება საუბარი.
შეფასდება ინფლაციის წინააღმდეგ ბრძოლაში გადადგმული ნაბიჯების შედეგები. განიხილება კვლევები საშუალოვადიან პროგრამაზე, რომელიც სავარაუდოდ სექტემბერში გამოცხადდება.
ანკარა მკაცრად გამოეხმაურა გაეროს მცდელობას, აღკვეთოს ჩრდილოეთ კვიპროსის თურქული რესპუბლიკის მიერ ინიცირებული საგზაო სამუშაოები, რომლის მიზანია ხელი შეუწყოს სოფელ პილეში გადასვლის გაადვილებას, სადაც თურქები და ბერძნები ერთად ცხოვრობენ.
შეხვედრაზე ასევე განიხილება დაძაბულობის შემდგომი მდგომარეობა.
დღის წესრიგის კიდევ ერთი საკითხია რუსეთ-უკრაინის ომში განვითარებული მოვლენები. პირველმა გემმა უკრაინის პორტი გასულ კვირას დატოვა, მას შემდეგ, რაც რუსეთი გამოვიდა მარცვლეულის დერეფნის შეთანხმებიდან.
შეხვედრაზე ასევე განიხილება მარცვლეულის გადაზიდვის გაგრძელების ალტერნატივები.
მინისტრთა კაბინეტის დღის წესრიგში იქნება მიწისძვრის ზონაში ახალი საცხოვრებლის მშენებლობა, შესაძლო კატასტროფების პრევენციული გეგმები და ტერორიზმთან ბრძოლა.
მსგავსი ინფორმაციები
ბოლო ერთი კვირის განმავლობაში 108 ტერორისტი იქნა ლიკვიდირებული
ბოლო ერთი კვირის განმავლობაში 108 ტერორისტი იქნა ლიკვიდირებული
ჰაქან ფიდანის არაბთა გაერთიანებულ საამიროებში ვიზიტი გრძელდება
ჰაქან ფიდანის არაბთა გაერთიანებულ საამიროებში ვიზიტი გრძელდება
