პრეზიდენტი ერდოღანი საპრეზიდენტო კომპლექსში ერაყის პრემიერ-მინისტრ შეხვდა

პრეზიდენტმა რეჯეფ თაიფ ერდოღანმა განაცხადა, რომ მან და ერაყის პრემიერ-მინისტრმა მოჰამედ შია ალ-სუდანიმ დაადასტურეს თავიანთი გადაწყვეტილება, ებრძოლონ ტერორიზმის ყველა ფორმას.

პრეზიდენტი ერდოღანი დედაქალაქ ანკარაში საპრეზიდენტო კომპლექსში ერაყის პრემიერ-მინისტრ სუდანს შეხვდა.

ორმხრივი და დელეგაციათაშორისი შეხვედრების შემდეგ ერდოღანმა და შია ალ-სუდანმა ერთობლივი პრესკონფერენცია გამართეს.

ერდოღანმა დასძინა, რომ პრემიერ-მინისტრთან შეხვედრისას განიხილეს ორმხრივი ურთიერთობები ყველა განზომილებით და დაამატა: "კიდევ ერთხელ დავადასტურეთ ჩვენი გადაწყვეტილება, ვებრძოლოთ ყველა სახის ტერორიზმს. ჩვენ ხაზი გავუსვით გადაწყვეტილებას, ვიმუშაოთ ერთად "განვითარების გზის პროექტის" განსახორციელებლად ბასრადან თურქეთის საზღვრამდე გადაჭიმული საგზაო და სარკინიგზო სატრანსპორტო დერეფნის მშენებლობისთვის“.

მან ხაზგასმით აღნიშნა, რომ ერაყის პრემიერ-მინისტრთან შეხვედრაზე ძირითადად განიხილეს ისეთი ტერორისტული ორგანიზაციების წინააღმდეგ ბრძოლა, როგორიცაა PKK, DAEŞ და ფეთულაჰის ტერორისტული ორგანიზაცია (FETÖ).

„აშკარაა, რომ ეს ტერორისტული ორგანიზაციები საფრთხეს უქმნიან ორივე ქვეყანას. ჩვენი მოლოდინი ერაყელი ძმებისგან არის ის, რომ მათ აღიარონ PKK, როგორც ტერორისტული ორგანიზაცია და გაასუფთაონ თავიანთი მიწები ამ სისხლიანი ტერორისტული ორგანიზაციისგან”. - თქვა პრეზიდენტმა.

ერდოღანმა ხაზგასმით აღნიშნა, რომ თურქეთი მზადაა ერაყთან ტერორიზმთან ბრძოლაში ნებისმიერი სახის თანამშრომლობისთვის.

მანვე განაცხადა, რომ თურქეთსა და ერაყს, რომელთა შორისაც სავაჭრო ბრუნვამ შარშან 24 მილიარდ დოლარს გადააჭარბა, აქვთ პოტენციალი კიდევ უფრო გაზარდონ მოცულობა.

პრეზიდენტმა ასევე თქვა: „ჩვენს ერთან ერთად ერაყში მცხოვრებ ყველა ჩვენს ძმასა და დას, ვულოცავ გაზაფხულის მაცნე ნევრუზის ბაირამს“.