მსოფლიო ლიდერები პრეზიდენტ ერდოღანს სამძიმარს უცხადებენ

პრეზიდენტის კომუნიკაციების დეპარტამენტიდან გავრცელებული ინფორმაციით, 6 თებერვალს ქაჰრამანმარაშის პროვინციაში მომხდარი 7,7 და 7,6 მაგნიტუდის სიმძლავრის მიწისძვრების შედეგად, რომლის დროსაც 11 პროვინცია დაზარალდა, ათასობით ადამიანი დაიღუპა და დაშავდა, მსოფლიო ლიდერები პრეზიდენტ რეჯეფ თაიფ ერდოღანს ტელეფონით უკავშირდებიან და სამძიმარს უცხადებენ. სწორედ ამის ფარგლებში, ბულგარეთის, მალტის, ალბანეთის ლიდერებმა და ბოსნია და ჰერცეგოვინის საპრეზიდენტო საბჭოს ყოფილმა წევრმა ბაქირ იზეთბეგოვიჩმა ტელეფონით დაურეკეს პრეზიდენტ რეჯეფ თაიფ ერდოღანს და მიწისძვრის შედეგად დაღუპულების გამო სამძიმარი გამოუცხადეს, ხოლო დაშავებულებს მალე გამოჯანმრთელება უსურვეს.