შვედეთის ელჩი ანკარაში საგარეო საქმეთა სამინისტროში დაიბარეს

შვედეთის ელჩი ანკარაში, სტაფან ჰერსტრომი საგარეო საქმეთა სამინისტროში დაიბარეს.

ელჩს გადასცეს თურქეთის რეაქცია სეპარატისტული ტერორისტული ორგანიზაციის PKK/PYD/YPG-ის მხარდამჭერების მიერ მისი ქვეყნის დედაქალაქ სტოკჰოლმში განხორციელებულ ტერორისტულ პროპაგანდაზე, რომლის სამიზნეც პრეზიდენტი ერდოღანიც იყო.

ჰერსტრომს მტკიცე სიტყვებით აცნობეს, რომ ეს ქმედება მკაცრად დაგმეს და გააპროტესტეს.

ელჩ ჰერსტრომს მოსთხოვეს, არ დაუშვან ამგვარი ტერორისტული აქტები, რომლებიც თურქეთს ღიად ემუქრება და აშკარად არღვევს შვედეთის (ივნისში ესპანეთში გამართულ ნატოს სამიტზე) სამმხრივ შეთანხმებით ნაკისრ ვალდებულებებს.

შვედ დიპლომატს ასევე განუცხადეს თურქეთის მოლოდინებზე, რომ გამოვლენილი იყოს ამ აქტის დამნაშავეები, გატარდეს აუცილებელი ზომები და შვედეთმა შეასრულოს ნაკისრი ვალდებულებები.