იბრაჰიმ ქალინი რუსეთ-უკრაინის ომთან დაკავშირებით შეფასებებს აკეთებს

თურქეთის პრეზიდენტის პრესსპიკერმა იბრაჰიმ ქალინმა განაცხადა, რომ რუსეთ-უკრაინის ომი უახლოეს თვეებში კიდევ უფრო გამძაფრდება.

იბრაჰიმ ქალინმა სოციალურ ქსელში, გასული წლის 24 თებერვლიდან მიმდინარე რუსეთ-უკრაინის ომთან დაკავშირებით შეფასებები გააკეთა.  

„რუსეთ-უკრაინის ომი, როგორც ჩანს,  უახლოეს თვეებში მთელი სიმძაფრით გაძლიერდება. ეს ნიშნავს მეტ სიკვდილს, ნგრევას და გრძელვადიან ღრმა კრიზისს. თურქეთი გააგრძელებს ინტენსიურ ძალისხმევას მოლაპარაკებების გასაგრძელებლად ყველა სფეროში, ცეცხლის შეწყვეტიდან ტყვეთა გაცვლამდე და მარცვლეულის გადაზიდვებიდან ბირთვულ უსაფრთხოებამდე“, აცხადებს იბრაჰიმ ქალინი სოციალური ქსელის მეშვეობით გავრცელებულ განცხადებაში.