თურქეთის მოსახლეობის რაოდენობა 2021 წელს 85 მილიონს მიუახლოვდა

თურქეთის მოსახლეობის რაოდენობა 2021 წელს 85 მილიონს მიუახლოვდა.

თურქეთის სტატისტიკის ინსტიტუტმა (TÜİK) 2021 წლის მოსახლეობის აღწერის მონაცემები გამოაქვეყნა.

მის მიხედვით, თურქეთის მოსახლეობის მთლიანმა რაოდენობამ 84 მილიონ 680 ათას 273 ადამიანს მიაღწია.

თურქეთის მამრობითი სქესის მოსახლეობამ 42 მილიონ 428 ათას 101 ადამიანი, ხოლო მდედრობითი სქესის მოსახლეობამ 42 მილიონ 252 ათას 172 ადამიანი შეადგინა.

2021 წელს დაბადებული ბავშვებისთვის დარქმეულ სახელებს შორის ბიჭებში იუსუფმა, ხოლო გოგონებში ზეინეპმა  დაიკავა პირველი ადგილი.

ოჯახების 60,7 პროცენტი მის კუთვნილებაში არსებულ სახლებში ცხოვრობს.