თურქეთში 85 წელს გადაცილებული მოქალაქეებისთვის ვაქცინაციის პროგრამა დღეს დაიწყება
თურქეთში 85 წელს გადაცილებული მოქალაქეებისთვის ვაქცინაციის პროგრამა დღეს დაიწყება
თურქეთში ახალი ტიპის კორონავირუსით (კოვიდ-19) ბოლო 24 საათში 159 ადამიანი გარდაიცვალა და ამით დაღუპულთა მთლიანი რიცხვი 24 ათას 487 გახდა.
იმავე პერიოდში ჩატარებული იქნა 168 ათას 894 ტესტირება. დღიური მთლიანი შემთხვევების რაოდენობა 6 ათას 435 არის და აქედან სიმპტომები აღენიშნება და ავად არის 752 ადამიანი.
საავადმყოფოებიდან გაწერილი იქნა 5 ათას 932 ადამიანი, რითაც გამოჯანმრთელებულთა საერთო რიცხვი 2 მილიონ 283 ათას 919-მდე გაიზარდა.
ამავდროულად, ჯანდაცვის მინისტრმა, ფაჰრეთინ ქოჯამ განაცხადა, რომ 85 წელს გადაცილებული მოქალაქეებისთვის ვაქცინაციის პროგრამა დღეს დაიწყება.
ქოჯამ სამეცნიერო საბჭოს შეხვედრის შემდეგ გაკეთებულ განცხადებაში აღნიშნა: „ჩვენ ყველაფერს ვაკეთებთ იმისთვის, რომ შეძლებისდაგვარად მოკლე დროში რაც შეიძლება მეტ მოქალაქეს ჰქონდეს წვდომა ვაქცინაზე.“