თურქეთი მიესალმება „ლიბიის დიალოგის შეხვედრაზე“  მიღწეულ შეთანხმებებს

თურქეთი,  მაროკოს ქალაქ ბუზნიკაში გამართულ „ლიბიის დიალოგის შეხვედრაზე“ მიღწეულ შეთანხმებებს დადებითად აფასებს და სრულ მხარდაჭერას უცხადებს. საკითხთან დაკავშირებით საგარეო უწყების პრესსპიკერმა, ჰამი აქსოიმ წერილობითი განცხადება გაავრცელა, რომელშიც ნათქვამია: „თურქეთი, თავიდანვე ლიბიაში არსებული კრიზისის, გაერო-ს უშიშროების საბჭოს გადაწყვეტილებების ფარგლებში მოგვარებას უჭერდა მხარს. ანკარა ახლოდან აკვირდება, მაროკოში ლიბიის საკითხთან დაკავშირებით მიმდინარე მოლაპარაკებებს და დღემდე მიღწეულ შეთანხმებებს მიესალმება და სრულ მხარდაჭერას უცხადებს“.