ერდოღანმა  მდინარე ევფრატის აღმოსავლეთით ოპერაციის დაწყება დაანინსა

თურქეთის პრეზიდენტმა რეჯეფ თაიფ ერდოღანმა  სირიაში, მდინარე ევფრატის აღმოსავლეთით  სამხედრო ოპერაციის დაწყება დაანონსა. მან ამ ის შესახებ დღეს, ბურსის საქალაქო საავადმყოფოს და სტამბოლ-იზმირის დამაკავშირებელი ავტობანის გახსნის ცერემონიაზე სიტყვით გამოსვლისას განაცხადა. „ადრე სირიაში, აფრინში, ჯერაბლუსში, ბაბში შევედით, ამჟამად კი მდინარე ევფრატის აღმოსავლეთში უნდა შევიდეთ. ჩვენ ამის შესახებ როგორც რუსეთს,  ასევე ამერიკის შეერთებულ შტატებსაც ვაუწყეთ. სირიიდან თურქეთის მიმართულებით თავდასხმები ხორციელდება. ამ ყველაფრის წინააღმდეგ კი ჩვენ მხოლოდ გარკვეული დროით შეგვიძლია მოვითმინოთ. მოთმინებას კი დასასრული აქვს,“ განაცხადა პრეზიდენტმა ერდოღანმა.