აფრიკის თასის გამარჯვებული კოტ დ'იუვარი გახდა

კოტ დ’ივუარში აფრიკის თასის გათამაშება დასრულდა, რომლის გამარჯვებულიც მასპინძელი ქვეყნის ეროვნული ნაკრები გახდა.

ფინალურ შეხვედრაში კოტ დ’ივუარმა ნიგერია 2-1 დაამარცხა და კონტინენტის ჩემპიონის ტიტული ისტორიაში მესამედ მოიპოვა.

კოტ დ’ივუარის ნაკრები აფრიკის თასს 1992 და 2015 წლებშიც დაეუფლა, ხოლო წლევანდელი გამარჯვებით ის ნიგერიას გაუთანაბრდა, რომელსაც ასევე სამჯერ აქვს მოგებული კონტინენტის ჩემპიონის ტიტული.